32 C
Baku
Thursday, June 20, 2024

Çinin borcu ÜDM-in 295%-nə çatıb

Beynəlxalq Hesablaşmalar Bankının (BIS) son məlumatlarına görə, ikinci rübdə Çinin qeyri-maliyyə sektoruna verilən ümumi kreditlər 51.87 trilyon dollara çatıb ki, bu da ölkənin ÜDM-sindən üç dəfə çoxdur (295%). Yaponiyanın “Nikkei” agentliyinin bildirdiyi kimi, bu borc Çin üçün 1995-ci ildən bəri rekorddur. Müqayisə üçün ABŞ-da borc ÜDM-in 263.5%-ni, Böyük Britaniyada – 257%-ni, Almaniyada – 195%-ni təşkil edir.

Banker.az bu barədə “Kommersant”a istinadən xəbər verir.

Qeyri-maliyyə sektoruna ümumi kreditlərin ÜDM-ə nisbəti, BIS hesablamalarına görə, Honkonqda (463%), Yaponiyada (425%) və Lüksemburqda (422%) müşahidə edilir.

Ekspertlər Çinin daxili borcunun artmasını sərt anti-COVID tədbirləri səbəbindən iqtisadiyyat və istehsaldakı yavaşlamanın öhdəsindən gəlməyə çalışan regional hakimiyyət orqanlarından borclanmanın artması ilə əlaqələndirirlər. Qeyd olunur ki, ÇXR-in regional hakimiyyət orqanları cəlb olunmuş borc vəsaitlərini əsasən infrastruktur layihələri və bir sıra iri inşaatçıların problemləri səbəbindən ikinci ildir çətin vəziyyətdə olan tikinti sənayesinin dəstəklənməsinə yönəldirlər.

Son xəbərlər
 ⁠
Digər xəbərlər