Çinin stimullaşdırıcı tədbirləri fonunda dəmir filizi 120 dollara, mis isə 10 500 dollara çatır, bu barədə “Citi” analitikləri yazırlar. Bildirilir ki, bazarlar Çinin Milli İnkişaf və İslahat Komissiyasının (NDRC) brifinqinə hazırlaşır.
Səlahiyyətlilərin böyük dövlət xərcləri paketi elan edə biləcəyi gözləntiləri, dəmir filizi fyuçerslərinin bir ton üçün 110 dollardan yuxarı qalxmasına səbəb olub. Çərşənbə axşamı səhər saatlarında dəmir filizi fyuçersləri daha 3.5% artaraq 114.60 dollara çatıb, sonra 112 dollar səviyyəsində qərarlaşıb.
Mis qiymətləri bir gecədə az dəyişərək ton üçün 9 790.30 dollar təşkil edib.
Broker hesab edir ki, ümumilikdə 10 trilyon yuan (2.1 trilyon dollar) həcmində stimul paketinə ehtiyac olacaq. “Citi” iqtisadçıları bunun “həm inandırıcı, həm də ehtimal olunan” adlandırırlar.
Bu, artıqdaha əvvəl elan edilmiş tədbirlərə, o cümlədən ipoteka faizlərinin azaldılması, ilkin ödəniş nisbətlərinin və böyük şəhərlərdə satınalmalara qoyulan məhdudiyyətlərin yüngülləşdirilməsinə əlavə olacaq.
