“Coinbase” kriptobirjası ödəniş platformasına “Dogecoin” kriptovalyutasını əlavə edib.
Banker.az bu barədə “Forbes”ə istinadən xəbər verir.
Qeyd edək ki, “Coinbase Commerce” biznesə ödənişləri kriptovalyuta şəklində qəbul etməyə imkan verir.
Kriptobirjanın veb-saytında verilən məlumata görə, “Dogecoin” platformaya inteqrasiya etmiş altıncı kriptovalyutadır (“Bitcoin”, “Ethereum”, “Bitcoin Cash”, “Litecoin” və “USDC”).
Bu gün “Coinbase Commerce” dünya miqyasında ən azı 8 min ticarət nöqtəsinə xidmət göstərir. 2013-cü ildə zarafat məqsədilə yaradılan “Dogecoin” son illərdə populyar olub. Bu ilin yanvar ayının sonunda kriptovalyutanın dəyəri 0.01 dollar, mayında isə artıq 0.51 dollar təşkil edib.
Bu gün aktivin kapitallaşması 3.9% artaraq 25 milyard dollara çatıb. Bu səbəbdən “Dogecoin” (DOGE) dünyanın ən böyük kriptoaktivləri arasında səkkizinci yeri tutur.
