“CPM-İnvest İnvestisiya Şirkəti” ASC 2025-ci ilin 1-ci yarımilliyini 375 min manat xalis mənfəət ilə başa vurub. Halbuki, 2024-cü ilin eyni dövründə şirkət 22 min manat zərər etmişdir.
Banker.az bu barədə investisiya şirkətinin maliyyə hesabatına istinadən xəbər verir.
Yanvar-iyun aylarında “CPM-İnvest İnvestisiya Şirkəti”nin əsas investisiya xidmətləri üzrə gəlirləri 18% azalaraq 644 min manat təşkil edib.
Hesabat dövründə investisiya şirkətinin cəmi aktivləri 2 milyon 535 min manat, cəmi öhdəlikləri 878 min manat, cəmi kapitalı isə 1 milyon 657 min manat olub.
Xatırladaq ki, “CPM-Invest İ.Ş.” ASC 2022-ci ildən Mərkəzi Bankdan lisenziya əldə edib və 800 min manat nizamnamə kapitalı var.
