İsveçrə nəhəng bankı “Credit Suisse Group AG” bu gün (16.03.23) İsveçrə Milli Bankından iki kredit proqramı çərçivəsində likvidlik şəraitini yaxşılaşdırmaq üçün 50 milyard İsveçrə frankı (~53.68 mlrd. dollar) qədər borc götürmək opsiyasından istifadə edəcəyini deyib.
Bank “likvidliyi öncədən gücləndirmək” üçün hərəkət etdiyi üçün opsiyonun əhatəli kredit imkanını, eləcə də qısamüddətli likvidlik vasitəsini əhatə edəcəyini deyib.
Bank həmçinin 2.5 milyard dollara qədər dollarda olan borc qiymətli kağızlarının geri alınması üçün nağd tender təklifi və 500 milyon avroya qədər avro ilə ifadə edilmiş borc qiymətli kağızları üçün ayrıca tender keçirəcəyini bildirib.
Bu addım bankın səhmlərinin çərşənbə günü ən yüksək payçı olan Səudiyyə Milli Bankının daha çox maliyyə təmin edə bilmədiyini açıqlaması səbəbindən rekord aşağı səviyyəyə enməsindən sonra atılıb.
“Credit Suisse”nin səhmləri martın əvvəli 2.84 frank təşkil edirdisə, artıq iki həftə sonra bu rəqəm 1.7 franka qədər eniş edib ki, bu tarixi anti-rekorddur. Təkcə mart ayında 40% səhmləri dəyər itirib. Bir il öncə isə onun səhmləri 8 frankın üzərində idi. Bu da son bir il ərzində investorları satışları nəticəsində səhmlərinin 80% ucuzlaşması deməkdir.
İsveçrə Milli Bankı da çərşənbə günü banka dəstək vəd etmişdi.
