İsveçrənin “Credit Suisse” bankının bir qrup istiqraz sahibi dünən, iyunun 6-da İsveçrə hökumətinə qarşı iddia qaldıraraq, itirdikləri vəsaitin ödənilməsini tələb ediblər.
Xatırladaq ki, ötən ilin martında iflas ərəfəsində olan “Credit Suisse” təcili olaraq digər İsveçrə bankı “UBS”ə satılıb, əməliyyatı İsveçrə hökuməti həyata keçirib.
İddia Nyu-Yorkun Cənub Dairəsi məhkəməsində qaldırılıb və iddiaçıları “Quinn Emanuel Urquhart & Sullivan” hüquq firması təmsil edir.
İsveçrə hökuməti “Credit Suisse” kreditorlarının ona qarşı qaldırdığı iddianı hələ ki, şərh etməyib.
