İsveçrənin “Credit Suisse” bankının səhmlərinin dəyəri martın 16-da keçirilən ticarət zamanı 32.58% artıb. Pik nöqtədə qiymətli kağızların qiyməti 2.25 frank (2.42 dollar) təşkil edib, bir gün əvvəl ticarətin bağlanışında isə 1.69 frank (1.82 dollar) olub.
Banker.az bu barədə Forbes-ə istinadən xəbər verir.
“Credit Suisse”nin səhmləri cümə axşamı ticarətin əvvəlində kəskin bahalaşıb, daha sonra qiymət bir qədər aşağı düşüb. Bakı vaxtı ilə saat 20:20-də kağızın qiyməti təxminən 2.02 frank (2.17 dollar) olub.
Martın 16-da səhər saatlarında “Credit Suisse” İsveçrə Mərkəzi Bankından 50 milyard İsveçrə frankı (54 milyard ABŞ dolları) qədər borc almağı planlaşdırdığını bildirib. Bankın dediyi kimi, bu, “likvidliyi fəal şəkildə gücləndirmək üçün kəskin tədbirdir”.
Səudiyyə Ərəbistanı Milli Bankının sədri Ammar Əl Hudayri bildirib ki, struktur “mütləq” yeni pul yatırmayacaq, əks halda onun payı 10%-i keçəcək və bu, artıq tənzimləmə çətinlikləri ilə bağlı olacaq.
Bundan başqa, martın 14-də dərc olunan hesabat bazar iştirakçılarının xoşuna gəlməyib: o, bankın gəlirlərinin azaldığını, əməliyyat xərclərinin artdığını və müştəri vəsaitlərinin xaricə çıxdığını göstərir.
Bank da hesabatında maliyyə nəticələrində “təhriflərə” səbəb ola biləcək “maddi çatışmazlıqlar” aşkar etdiyini, həmçinin müştəri vəsaitlərinin əhəmiyyətli dərəcədə xaricə getdiyini təsdiqlədiyini bildirib.
