16 C
Baku
Thursday, March 28, 2024

Dərs ala biləcəyiniz 5 qısa hekayə

1. Bir dəfə siçan görür ki, fermer onu tutmaq üçün tələ qurub. O, bu haqda toyuğa, qoyuna və inəyə xəbər verir. Amma onların hamısı cavab verirlər ki, “Tələ -sənin problemindir, bizə onun heç bir aidiyyəti yoxdur!”

Bir az sonra isə tələyə ilan düşür və o fermerin, xanımını sancır. Onu sağaltmağa çalışarkən, fermerin xanımına toyuqdan şorba bişirirlər. Sonra isə xəstəyə baş çəkənlərin hamısına yemək çatsın deyə, qoyunu kəsmək vaxtı çatır. Lakin sağaltmaq olmur və dəfnetmə mərasimində bütün qonaqları ləyaqətlə yola salmaq üçün inəyində sonu çatır.

Bütün bu müddət ərzində siçan, ona heç bir aidiyyəti olmayan hadisələri sadəcə kənardan durub, divardakı xıra dəlik vasitəsi ilə müşahidə edirdi.

Mahiyyət: Əgər nəyinsə sizə bir başa aidiyyəti yoxdursa, düşünməyin ki, bu nəsə sizin başınızda çatlaya bilməz.

2. Qartal ağacda, oturub dincəlir və heç nə etmirdi.

Balaca dovşan qartalı görür və soruşur: -Olar ki, mən də Sizin kimi oturum və heç nə etməyim?”

-“Əlbəttə olar, niyə də yox”, – qartal cavab verir.

Dovşan ağacın altında oturub, dincəlməyə başlayır. Birdən haradansa tülkü çıxır və dovşanı tutub, yeyir.

Hekayənin mahiyyəti: oturub və heç nə etməmək üçün, Siz çox-çox hündür yerdə əyləşməlisiniz.

3. Fermada at xəstələnir.

Baytar:

– Əgər səhərə qədər ayağa qalxmasa, onu yatırtmaq lazımdır,

Səhər at ayağa qalxa bilmir. Yaxınlıqda isə qoyun var idi:

– Yaxşı, dur ayağa, yoxsa səni öldürəcək!

At güc tapıb, ayağa qalxır.

Fermer:

– Bu möcüzədir! Bunu qeyd etmək lazımdır! Bu münasibətlə qoyun ətindən kabab çəkmək olar!

Mahiyyət: Heç zaman sizə aid olmayan işə burun soxmayın (amma siçan və tələ ilə bağlı əhvalatı da yaddan çıxarmayın).

4. Üç nəfər daş hərlədirdi. Onların birindən soruşurlar: – Nə işlə məşğulsan?

O, alnın tərini silərək cavab verir ki, zülm çəkirəm.

İkinciyə yaxınlaşıb, eyni sualı ona da verirlər: Bəs, sən nə edirsən?

O, qollarını çırmalayaraq,işgüzar bir tərdə cavab verir: Pul qazanıram.

Bu dəfə üçüncüdən soruşurlar: Bəs, sən nə edirsən?

O göyə baxır və cavab verir: – Məbəd tikirəm.

Hekayənin mahiyyəti: Yalnız o insanın həyat məna ilə doludur ki, onun yüksək amalları (hədəfləri) olsun.

5. Taksi sürücüsü şəhərin məşhur milyarderini qeyd edilən ünvana aparır. Düşəndə müştəri sayğacda göstərilən qədər pul ödəyir. Sürücü isə dözməyib deyir ki, dünən sizin oğlunuzu aparmışdım, o mənə hələ 100 dollar əlavə verdi ki, “çay içərsən”.

– Axı niyə təəccüblənirsiniz, onun atası milyarderdir, mən isə yetiməm.

Hekayənin mahiyyəti: Yalnız o adam pulun qədrini bilir ki, pulunu özü qazanmış olsun.

Son xəbərlər
Digər xəbərlər