Estoniya 2022-ci ildə Rusiya təbii qazının idxalını dayandıracaq. Qərar Baltikyanı Respublikanın Nazirlər Kabineti tərəfindən qəbul edilib.
Banker.az xəbər verir ki, “Hökumət Estoniyanın bu il Rusiya qazının idxalını dayandırması ilə bağlı qərar verib. İqtisadiyyat və İnfrastruktur Nazirliyi təbii qaz haqqında qanuna dəyişiklik edilməsi ilə bağlı qanun layihəsini yaxın vaxtlarda Nazirlər Kabinetinə təqdim edəcək”, – deyə mesajda bildirilir.
Təbii qazın tədarükünün alternativi kimi hökumətin qərarı ilə mayeləşdirilmiş qazdan istifadə ediləcək. Qaz ehtiyatları Latviyanın İnçukalns şəhərindəki qaz anbarında saxlanılacaq.
