ABŞ-ın Viskonsin ştatının qubernatoru Toni Evers Deyn və Miluoki dairələrində seçici səslərinin təkrar sayılmasından sonra demokratların namizədi Co Baydenin qələbəsini təsdiq edib.
Bu barədə o özünün feysbukdakı hesabında yazıb.
Ştatın başçısı bildirib ki, prezident seçkilərinin nəticələrini sertifikatlaşdırıb.
O, qeyd edib ki, ştatın seçicilərinin Co Baydeni prezident və Kamala Harrisi vitse-prezident seçmələrini təsdiqləyən sənədə imza atıb.
Xatırladaq ki, noyabrın 3-də ABŞ-da prezident seçkiləri keçirilib. Seçkilərdə demokratların namizədi Co Bayden və hazırkı prezident, respublikaçı Donald Tramp qüvvələrini sınayıblar.
7 noyabrda aparıcı Amerika mediası – ABC News, FOX News, CNN, AP və NBC prezident seçkilərində demokrat Co Baydenin qələbəsini elan ediblər. Rəsmi nəticələr hələ açıqlanmayıb.
Dünyanın bir sıra liderləri və BMT baş katibi artıq Baydeni qələbə münasibətilə təbrik ediblər.
