5 C
Baku
Wednesday, February 21, 2024

Danimarka Ukraynaya $37 mln. yardım edəcək

Danimarka Xarici İşlər Nazirliyinin məlumatına görə, Danimarka hökuməti Ukraynaya təcili yardım paketi üçün 265 milyon kron (37.7 milyon dollar) ayıracaq. O, mətbuata açıqlamasında bildirib ki, bu qərar Rusiyadan Ukraynada infrastruktur obyektlərinə artan hücumlar fonunda verilib.

Banker.az bu barədə “Kommersant”a istinadən xəbər verir.

Xarici İşlər Nazirliyi əlavə edib ki, Danimarka Ukraynanın Nikolaev şəhərini dəstəkləmək üçün xüsusi məsuliyyət götürüb. Ona görə də ayrılan vəsaitin bir hissəsi şəhərin su və istilik təchizatının bərpasına sərf olunacaq. Rusiya hərbi əməliyyatı başlayandan bəri Danimarka Ukraynaya kömək üçün 1 milyard krondan (142.5 milyon dollar) çox vəsait ayırıb.

Ukrayna Prezidenti Volodimir Zelenski bildirib ki, ölkənin bərpası üçün 1 trilyon dollardan çox vəsait lazımdır. Beynəlxalq Valyuta Fondu hesab edir ki, bu məqsədlər üçün ayda 5 milyard dollar tələb oluna bilər. Dekabrda o, Kiyevə təcili maliyyə yardımı üçün 2.7 milyard dollar ayırıb. Oktyabr ayında Dünya Bankı Böyük Britaniya və Danimarkanın zəmanəti ilə Ukraynaya 530 milyon dollar ayırmağa razılaşıb.

Son xəbərlər
Digər xəbərlər