Depozit hərracına tələbin artdığı bir dövrdə Mərkəzi Bank depozit hərracında cəlb edəcəyi vəsaiti azaldıb.
Mərkəzi Bank vəsaitlərin cəlb edilməsi üzrə növbəti depozit hərracının 03 iyun 2019-cu il tarixində keçiriləcəyini bəyan edib. Hərrac vasitəsilə 100 milyon manatını cəlb edilməsi nəzərdə tutulur.
Qeyd edək ki, son hərraclarda 150 milyon manat cəlb edilirdi. İlin əvvəlində isə məbləğ 300-350 milyon manat təşkil edirdi. Mərkəzi Bank uçot dərəcəsini, faiz dəhlizinin aşağı və yuxarı hədlərini aşağı salmaqla bərabər, depozit hərracında cəlb etdiyi məbləği də azaldır.
03 iyun 2019-cu il tarixində keçiriləcək hərrac üzrə müddət 14 gün, faiz dərəcəsi 6,76% – 8,74% aralığındadır.
Bildirək ki, son hərraclarda tələb təklifi dəfələrlə üstələyir. Banklar izafi vəsaitlərinin depozit hərraclarında yerləşdirmək istəyirlər.
