Bugünkü gündə bir çox maliyyə müəssisələri əhali üçün cəlbedici depozit şərtləri təklif edirlər. Buna görə əksər vətəndaşlar ölkənin bu və ya digər banklarına sərfəli yatırımlar edirlər.
Lakin banklara yatırım etmək hələ hər şey demək deyil. Əsas olan sizə söz verilən faizləri almaq və xoşagəlməz sürprizlərlə qarşılaşmamaqdır. Buna görə depozit müqaviləsinin şərtlərini ətraflı oxumaq lazımdır.
Müqavilədə sizi hansı tələlər gözləyə bilər?
1. Gəlirin uyğun olmaması
Reklamlarda banklar adətən maksimal faiz dərəcələrini göstərirlər. Lakin bu hər zaman həqiqəti əks etdirmir. Buna görə müqavilənin mətnində əks olunan faiz dərəcələrini diqqətlə oxuyun. Sənədi imzaladıqdan sonra bank təktərəfli olaraq şərtləri dəyişə bilməyəcək.
Bu qayda bütün depozitlərə şamil olunur.
2. Vaxtından öncə pulları götürmək
Əgər sizə təcili olaraq pul lazım olubsa və siz vaxtından öncə depoziti ləğv edib pullarınızı götürmək istəyirsinizsə, sizi buna görə cərimələyə bilərlər.
Beləliklə, sizin götürdüyünüz məbləğ yatırdığınız məbləğdən az ola bilər.
Həmçinin vaxtından öncə pul vəsaitlərin qaytarılması müddətinə fikir verin (adətən 2-5 gün).
3. Valyuta yatırımı üzrə faizlərin ödənilməsi
Valyuta depozitlərinin sahibləri faizlərin ödənilmə qaydasına fikir verməlidirlər. Bu halda gəlirlərin hansı məzənnələrlə ödənilməsi vacibdir.
4. Depozit müddətinin avtomatik uzadılması
Bəzən maliyyə müəssisəsi depozitin müddəti bitdikdən sonra onu avtomatik olaraq uzatmağa cəhd edir.
Daim müqavilələrdə bu şərtin olub olmamasına diqqət edin.
5. Əlavə komissiyalar
Bank hesabın açılması və hesabın aparılmasına görə əlavə komissiyalar tətbiq edə bilər.
Bu cür şərtlər adətən müqavilədə kiçik şriftlərlə qeyd olunurlar.
