Ötən il ərzində orta illik inflyasiya 8.8 faiz təşkil edib. Halbuki proqnozlar bu rəqəmin 9.5 faiz olacağını göstərirdi. Orta illik inflyasiyanın 8.8 faiz təşkil etməsi əhalinin real gəlirlərinin 4 faizdən çox olmasına şərait yaradıb.
Bunu Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili komitənin yaz sessiyası çərçivəsində keçirilən ilk iclasında deyib.
Komitə sədrinin sözlərinə görə, ötən ilin 12 ayın məlumatları göstərir ki, ÜDM 0.8 faiz artıb: “Qeyri-neft sektorunda 3.2 faiz, neft və qaz sektorunda isə 7.8 faiz artım qeydə alınıb”.
