“Deutsche Bank” 2026-cı ildə qızılın orta qiyməti ilə bağlı proqnozunu 1 unsiya üçün əvvəlki $4000-dan $4450-yə qaldırıb, bu barədə “Reuters” məlumat yayıb. Proqnozun yenilənməsinə səbəb kimi analitiklər investisiya axınının sabitləşməsini və mərkəzi bankların davamlı qızıl tələbatını göstəriblər.
İndi “Deutsche Bank” gözləyir ki, gələn il qızılın qiyməti 1 unsiya üçün $3950–$4950 diapazonunda olacaq. “Reuters” qeyd edir ki, bu diapazonun yuxarı həddi Çikaqo Əmtəə Birjasında dekabr qızıl fyuçerslərinin hazırkı qiymətindən təxminən 14% yüksəkdir. Saat 17:05-ə olan məlumata görə, kontraktlar $4189,5 (+0,3%) səviyyəsində ticarət olunub. “Deutsche Bank” 2027-ci il üçün qızıl qiymətinə dair proqnozunu əvvəlki kimi $5150 səviyyəsində saxlayıb.
“Deutsche Bank” bildirir ki, qızıla ümumi tələbat hələ də təklifi üstələyir. Analitiklərin sözlərinə görə, təklifin böyük hissəsi mərkəzi bankların alışlarına və qızıl ilə təmin olunan birja fondlarına düşür, daha az hissəsi isə zərgərlik bazarına aid edilir. Onlar bunu “müsbət strukturlu mənzərə” kimi qiymətləndirirlər.
