Ötən gün yanan “Diqlas” Ticarət Mərkəzi yenidən təmir olunacaq.
Bu barədə ticarət mərkəzinin rəhbərliyi (Araz Rəhimov) ilə mağazaları yanan sahibkarlar arasında görüşdə bildirilib.
Araz adlı şəxs özünü “Diqlas”ın rəhbərlərindən biri kimi təqdim edərək, zərərçəkənlərin qarşısına çıxıb və onların sualları cavablandırıb. Bildirib ki, ticarət mərkəzini qısa zamanda təmir etdirərək istifadəyə vermək mümkündür.
“Siz də bizim qədər zərərçəkmisiniz. Obyekti yenidən təmir etdirib, əvvəlki vəziyyətinə qaytaraq. İnsanlar buraxılsın işləməyə. Heç bir təxribata uymayın. Çox adamı çox yerə yönləndirmək istəyən olacaq”.
