Əyləncə sənayesinin ən böyük oyunçularından biri “Disney” şirkəti tezliklə Mickey Mosue”un eksklüziv hüquqlarını itirəcək. “The Guardian” yazır ki, 2024-cü ildə bu sənət əsərinin müəllif hüquqları ABŞ-da başa çatacaq.
Banker.az bu barədə “Secretmag”a istinadən xəbər verir.
Animasiya personajı 1928-ci il oktyabrın 1-də yaradılmışdır. O, ilk dəfə ağ-qara cizgi filmində görünmüşdür.
1998-ci ildə ABŞ-da əsərlərin ictimai sahəyə keçdiyi tarixi qanun qəbul edilib. Onun qeyri-rəsmi adı Mickey Mouse Protection Act-dır. Bu qanuna görə, müəllif hüquqularının təsiri müəllifin sağlığında və ölümündən sonra daha 70 il ərzində qorunur.
Dünyaca məşhur siçan da bu normanın altına düşüb. Mickey Mouse”un müəllif hüquqları 2024-cü ilə qədər uzadılıb. Xatırladaq ki, 2022-ci ilin yanvarında şirkət Vinni Puxun eksklüziv hüquqlarını itirib.
