“Disney”in sabiq rəhbəri şirkətdəki səhmlərinin 50%-ni 98.7 mln. dollara satıb

“Disney”in sabiq rəhbəri və hal-hazırda direktorlar şurasının üzvü Bob Ayqer şirkətdəki səhmlərinin 50%-ni 98.7 milyon dollara satıb. Onun əlində hələ 555 min səhm qalıb.

Banker.az “Vc.ru”ya istinadən xəbər verir ki, bu barədə “Bloomberg” yazıb.

Bob Ayqer 2005-ci ildə bəri “Disney”ə rəhbərlik edib, 2020-ci ilin fevralında isə vəzifəsini Bob Çapekə təhvil verib. Buna baxmayaraq, böhran dövründə kömək etmək üçün şirkətdə lider olaraq qalıb.

Hal-hazırda Ayqer “Disney”in direktorlar şurasının icraçı sədri vəzifəsini tutur, lakin 2021-ci ilin sonunda şirkətdən ayrılmaq niyyətində olduğunu söyləyir. “Bloomberg”in qeyd etdiyi kimi, 2020-ci ildə vəzifəsini tərk edən zaman Ayqer 150 milyon dollarlıq səhm paketinə sahib olub.

CEO olduğu müddətdə Ayqer “Pixar”, “Marvel”, “Lucasfilm” və “21st Century Fox” ilə müqavilə bağlayıb.


Kredit müraciəti

Sizin müraciətiniz banka göndərildi.