Dollara tələbat artıb, yoxsa azalıb? – Bankların nə qədər dollar alıb-satdıqları açıqlandı

Azərbaycan Respublikasının Mərkəzi Bankı nağd xarici valyuta ilə mübadilə əməliyyatları barəsində statistikasını açıqlayıb.

Banker.az bu barədə Azərbaycan Mərkəzi Bankına istinad edir.

Statistikaya görə, 2020-ci ilin may ayında banklar tərəfindən nağd 71 milyon 194 min dollar alınıb, 227 milyon 815 min dollar satılıb. 2019-cu ilin may ayında isə banklar tərəfindən 170 milyon 757 min dollar alınıb, 173 milyon 384 min dollar isə satılıb. Belə ki, 2019-cu ilin müvafiq dövrü ilə müqayisədə cari ilin may ayında dolların alışı 58,3% və yaxud 2,3 dəfə azalıbsatışı isə 31,4% və yaxud 1,3 dəfə artıb.

Bildirək ki, aprel ayı ilə müqayisədə mayda banklar tərəfindən dollar alışı 2 dəfə artıb, satışı isə 25% və yaxud 1,3 dəfə azalıb.

May ayında banklar tərəfindən 4 milyon 733 min avro alınıb, 16 milyon 003 min avro satılıb. 2019-cu ilin analoji dövrüylə müqayisədə 2020-ci ilin mayında banklar tərəfindən alınan avronun sayında 81%, satışında isə 72% azalma müşahidə olunur.

Həmçinin banklar tərəfindən bu ilin may ayında 189 min funt sterlinq alınıb və 540 min funt sterlinq isə satılıb.


Kredit müraciəti

Sizin müraciətiniz banka göndərildi.