ABŞ prezidenti Donald Trumpa məxsus olmuş Ferrari F430 idman avtomobili Auctions America-da hərraca çıxarılıb. Banker.az saytı xəbər verir ki, ilkin qiymətləndirməyə görə, bu superkar minimum 250 min dollara satılacaq.
Lotun təsvirində qeyd olunub ki, Trump “dəbdəbəli qırmızı” avtomobili 2007-ci ildə əldə edib və təxminən 4 il bu avtomobildən istifadə edib. 4 ildən sonra avtomobil başqa bir sahibin əlinə düşür.
Qeyd edilir ki, hərracın təşkilatçıları prezidentin keçmiş Ferrari-sini 250 mindən 350 min dollara qədər olan məbləğə satmağı planlaşdırır. Hərracın keçirilmə vaxtı isə 1 aprel 2017-ci il olaraq təyin edilib.
