Bu ilin yanvar-sentyabr ayları ərzində qeyri-yaşayış sahəsinə dair 623 yeni icarə müqaviləsi bağlanılıb.
İqtisadiyyat Nazirliyi yanında Əmlak Məsələləri Dövlət Xidmətinin məlumatına görə, hesabat dövründə qeyri-yaşayış sahələrinin icarəsindən dövlət büdcəsinə 4,6 milyon manat vəsaitin ödənilməsi təmin olunub.
Eyni zamanda, cari ilin ilk 9 ayında 1880 torpaq sahəsinə dair yeni icarə müqaviləsi bağlanılıb. Torpaq sahələrinin icarəsindən dövlət büdcəsinə 19,8 milyon manat məbləğində vəsaitin ödənilməsi təmin olunub.
Ümumilikdə 2023-cü ilin yanvar-sentyabr ayları ərzində qeyri-yaşayış və torpaq sahələrinin icarəyə verilməsi ilə bağlı 2503 yeni icarə müqaviləsi bağlanılıb. Bu dövrdə daşınmaz dövlət əmlakının icarəsindən dövlət büdcəsinə 24,4 milyon manat məbləğində vəsaitin ödənilməsi təmin olunub.
