Dövlət İmtahan Mərkəzi (DİM) 2024-cü ili 388 min manat xalis mənfəətlə başa vurub. 2023-cü ildə DİM-in mənfəəti 3 milyon 739 min manat olub ki, bu da illik müqayisədə 10 dəfəyə yaxın azalmadır.
Banker.az bu barədə qurumun maliyyə hesabatına istinadən xəbər verir.
2024-cü ildə DİM-in cəmi gəlirləri 41 milyon 144 min manat (illik müqayisədə 5.2% çox), o cümlədən əməliyyat gəlirləri 41 milyon 73 min manat, mal-material ehtiyatları üzrə qiymətdəndüşmənin bərpası üzrə gəlirləri 61 min manat təşkil edib.
31 dekabr 2024-cü il tarixinə “Dövlət İmtahan Mərkəzi”nin cəmi aktivləri 47 milyon 735 min manat olub ki, bu da illik müqayisədə 1% çoxdur.
