Azərbaycan Respublikasının İqtisadiyyat Nazirliyi yanında Dövlət Vergi Xidməti “Caspel” MMC və “Cybernet” MMC ilə müqavilə bağlayıb.
Banker.az xəbər verir ki, “Caspel” MMC ilə olan müqavilə şəbəkə avadanlıqlarının və proqram təminatina texniki dəstək xidmətinin göstərilməsinin satın alınması nəzərdə tutulur. Müqavilənin dəyəri isə 1 021 384,4 AZN təşkil edir.
“Cybernet” MMC ilə olan müqavilə isə Azərbaycan Respublikasının İqtisadiyyat Nazirliyi yanında Dövlət Vergi Xidmətinin server otağında şəbəkə və əməliyyat sistemlərinin (Əsas Mərkəz + Backup Mərkəz + Ehtiyat Mərkəz), Azərbaycan Respublikasının İqtisadiyyat Nazirliyi yanında Dövlət Vergi Xidmətinin məlumat bazalarının, arxiv sistemlərinin (Əsas Mərkəz + Backup Mərkəz+ Ehtiyat Mərkəz) monitorinqi xidmətlərinin göstərilməsinin, Azərbaycan Respublikasının İqtisadiyyat Nazirliyi yanında Dövlət Vergi Xidmətinin Oracle məlumat bazalarının (Əsas Mərkəz + Ehtiyat Mərkəzinin məlumat bazalarının) monitorinqi və texniki dəstək xidmətinin göstərilməsinin, Avtomatlaşdırılmış Vergi İnformasiya Sisteminin (AVİS-in) altsistemlərinin, Yeni AVİS2 informasiya sisteminin 3-cü və 4-cü mərhələləri (Reliz 3, Reliz 4) üzrə (Bəyannamə, Kargüzarlıq, Autentifikasiya) altsistemlərin dəstəklənməsi, İnternet vasitəsilə verilən xidmətlərin və vergi orqanlarının digər qurumlarla inteqrasiyası sisteminin, Bələdiyyə Vergi İnformasiya Sisteminin (BVİS-in), Beynəlxalq məlumat mübadiləsi sisteminin, elektron imzadan istifadənin dəstəklənməsinin, “Onlayn kassa” üzrə xidmətlər portalının proqram təminatının, Analitik təhlil-hesabat (BI – Business Intelligence) sisteminin, Banklar tərəfindən vergi ödəyicilərinin hesabları üzrə aparılmış əməliyyatlar barədə məlumatların təqdim edilməsi sisteminin, Azərbaycan Respublikasının İqisadiyyat Nazirliyinin yanındakı qurumların Elektron Sənəd Dövriyyəsi (ESD) sistemlərinin kommunikasiya şlyuzu (Hovuz) vasitəsilə inteqrasiyasının, Yeni elektron portalın ((e-Portal) Reliz 1, Reliz 2, Reliz 3, Reliz 4) dəstəklənməsinin, Nəzarət Mexanizm Qurğularının (NMQ) proqram təminatına monitorinq xidmətinin və Operatorlara bu proqramdan istifadəyə dair dəstək xidmətinin göstərilməsinin, Fiziki şəxs olan istehlakçılar tərəfindən Azərbaycan Respublikasının ərazisində bina tikintisi fəaliyyəti ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş ƏDV-nin qaytarılması xidmətinin dəstəklənməsinin, “Öhdəliklər üzrə vergi ödəyiciləri ilə əlaqələrin idarə edilməsi” proqram təminatının dəstəklənməsinin (hesabatların təmin edilməsinin), Azərbaycan Respublikasının İqtisadiyyat Nazirliyinin 195 Çağrı Mərkəzindən daxil olan sorğuların icrası ilə əlaqədar Dövlət Vergi Xidmətinin proqram təminatına texniki dəstəyin göstərilməsi, AVİS-in fəaliyyətini təmin edən lisenziyanın, SSL sertifikatının və domen adının satınalınması nəzərdə tutulur.
Bu müqavilənin məbləği isə 7 280 688.5 AZN təşkil edir.
