2018-ci ilin yanvar-aprel ayları ərzində vergi ödəyiciləri tərəfindən dövlət büdcəsinə 2 mlrd. 386,5 mln. manat məbləğində vəsait ödənilib.
Bu, 2018-ci ilin yanvar-aprel ayları üzrə Azərbaycan Respublikasının dövlət büdcəsi gəlirlərinin icrasına dair (operativ) məlumatda öz əksini tapıb.
Bununla da qurum üzrə müəyyənləşdirilmiş proqnoz tapşırıqlarına 101,8% əməl olunub.
Kimlər etməyib?
Bu ilin 4 ayı ərzində büdcə təşkilatlarının ödənişli xidmətlərindən daxilolmalar 108,9 mln. manat olub. Bu, proqnoz tapşırıqdan 31,9 mln. manat və ya 22,7% azdır.
Qeyd edək ki, 2018-ci ilin dövlət büdcəsində büdcə təşkilatlarının ödənişli xidmətlərindən daxilolmalar 140,8 mln. proqnozlaşdırılıb.
Xatırladaq ki, ötən ilin yanvar-aprel aylarında büdcə təşkilatlarının ödənişli xidmətlərindən daxilolmalar 91,7 mln. manat olub.