“FlyDubai” aviaşirkətinin birbaşa Dubay-Qəbələ mövsümi reyslərinə biletlərin qiyməti açıqlandı.
“Ora-geri” aviabiletlərin qiyməti 250 dollar (Azərbaycan Mərkəzi Bankının fevralın 16-na olan rəsmi məzənnəsi ilə 432,4 manat) olacaq. Aviabiletlərin qiymətinə qidalanma, 20 kq qədər baqaj daxildir.
“FlyDubai” Dubay-Qəbələ birbaşa aviareysi üzrə mövsümi uçuşlar yerinə yetirməyə hazırlaşır. aviareyslər cari ilin iyunun 22-dən sentyabrın 17-dək yerinə yetiriləcək.
Reyslər həftədə iki dəfə – cümə axşamı və bazar günləri həyata keçiriləcək.
