Dövlət Duması Rusiyanın nüvə sınaqlarının qadağan olunması ilə bağlı müqavilədən çıxmasına razılıq verib.
Məsələ oktyabrın 18-də ikinci oxunuşda qanunverici orqanda müzakirəyə çıxarılıb.
Deputatlar layihəni dəstəkləyiblər. Bununla da Dövlət Duması Rusiyanın nüvə sınaqlarının qadağan olunması haqqında müqavilədən çıxması ilə bağlı qanun layihəsini ikinci oxunuşda qəbul edib.
Qeyd edək ki, müqavilə 2000-ci ildə BMT Baş Assambleyası tərəfindən təsdiq edilib. Onu 178 ölkə ratifikasiya edib, ancaq ABŞ hələ bu addımı atmayıb.
