Con Hopkins Universitetinin verdiyi məlumata görə, dünyada koronavirusa yoluxanların sayı 150 milyonu ötüb.
Banker.az bu barədə “RİA Novosti”yə istinadən xəbər verir.
Hal-hazırda COVID-19 diaqnozu qoyulmuş 150 530 783 nəfərdən 3 165 978 nəfər ölüb, 87 570 816 nəfər isə sağalıb.
Yoluxma sayına görə birinci ABŞ (32 milyon), ikinci Hindistan (18.7 milyon), üçüncü isə Braziliya (14.5) gəlir.
Xatırladaq ki, Ümumdünya Səhiyyə Təşkilatı yeni koronavirus infeksiyasını 2020-ci il 11 mart tarixində pandemiya elan edib.
