4 C
Baku
Saturday, February 24, 2024

Dünyanı yaxşılığa doğru dəyişdirən 10 şirkət

“Fortune” jurnalının ekspertləri dünyanı yaxşılığa doğru dəyişdirən şirkətlərin adlarını açıqlayıb.

Banker.az “Vesti.ru”ya istinadən xəbər verir ki, 2019-cu ildə bu siyahıya dünyanın müxtəlif ölkələrindən olan 52 şirkət daxil olmuşdur.

  1. TerraCycle

TerraCycle – orqanik tullantıların emalı ilə məşğul olan amerikan şirkətidir. Bundan əlavə, təşkilat ərzaq çantalarını istehsal edir.

  1. Schneider Electric

Schneider Electric – Fransanın elektrik maşınqayırma şirkətidir, energetik sənaye müəssisələri, məlumatların emalı və tikinti obyektləri üçün avadanlıq istehsal edir.

  1. Bank of Amerika

Bank of Amerika – amerikan maliyyə konqlomeratıdır, fiziki və hüquqi şəxslərə geniş sahəli maliyyə xidmətlərini göstərir. ABŞ-ın ən böyük maliyyə konqlomeratları sırasında ilk dördlüyə daxildir.

  1. Centene

Centene Corporation – tibbi sığorta və tibbi xidmətlər göstərən amerikan şirkətidir.

  1. Santander

Santander – İspaniyanın ən böyük maliyyə-kredit qrupudur. Böyük Britaniya, Latın Amerikası və ABŞ-da fəaliyyət göstərir, qrupun əsas strukturu Banco Santander-dir.

  1. Walmart

Walmart – Amerikanın ən böyük pərakəndə və topdan satış şəbəkələrindən biridir. Əsas fəaliyyət sahəsi ABŞ və Meksikadır. Bundan əlavə CAR, Çin, Yaponiya, Böyük Britaniya və Cənubi Amerikada fəaliyyət göstərir.

  1. TE Connectivity

TE Connectivity – avtomatlaşdırılmış sənaye avadanlıqları, məlumatların ötürülməsi sistemləri, aerokosmik və neft-qaza sənaye istehsalı ilə məşğuldur.

  1. BYD

BYD – Şenjendə yerləşən avtomobil istehsalçısıdır. Şirkət “Şəxsi tərtibat, şəxsi marka, şəxsi inkişaf” inkişaf modelinin tərəfdarıdır.

  1. Mastercard

Mastercard – beynəlxalq ödəmə sistemidir, 210 ölkənin 32 mindən çox maliyyə müəssisəsini birləşdirir.

  1. Qualcomm

Qualcomm – SoC və simsiz rabitə vasitələrinin tərtibatı və tədqiqatı ilə məşğuldur, ABŞ-ın Kaliforniya ştatının San-Diyeqo şəhərində yerləşir.

Son xəbərlər
Digər xəbərlər