Ötən il dünyanın ən zəngin insanlarının (“very high net worth”, VHNW) sayı artıb və təxminən 2,7 milyon nəfərə çatıb.
Bu barədə “Wealth-X” analitik şirkətlər qrupunun saytında bildirilir.
“Ən zəngin insanların sərvəti 5-30 milyon dollara qədər qiymətləndirilir, onların sayı 2019-cu ildə sürətlə – 10%-dən çox artdı”, – tədqiqatda qeyd edilir.
Bildirilir ki, onların sərvətlərinin ümumi həcmi 10% artıb və 26,6 trilyon dollara çatıb. Bundan başqa, şirkət vurğulayıb ki, 2018-ci ildə göstəricinin artması yalnız 1% qeydə alınıb.
Şimali Amerika ən zəngin insanların sayının artımı üzrə lider olub. Tədqiqata əsasən, onların sərvətlərinin ümumi həcmi təxminən 15% artıb.
Aktiv artım həmçinin Asiyada və Afrikada qeyd edilib. Avropada və Sakit okean regionunda artım bir qədər az müşahidə olunub.
Qeyd edək ki, “Wealth-X” şirkəti ən zəngin insanlar arasında müxtəlif tədqiqatlarla məşğuldur.
©Report
