Forbes jurnalının versiyasına görə, dünyanın ən bahalı futbol klubu İspaniyanın Real Madrid klubudur. Klubun dəyəri 3,26 milyard dollar olaraq qiymətləndirilir.
Reytinq tərtibçilərinin fikrincə, son il ərzində Real Madrid futbol klubunun gəliri 746 milyon dollar təşkil etmişdir. Bu dünyadakı istənilən idman klubunun sahib olduğu məbləğdən çoxdur. İspan klubunun əməliyyat gəliri 171 milyon dollar təşkil etmişdir. Bununla yanaşı, komanda son 3 il ərzində 154 milyon dollar qazanmışdır.
Bundan əlavə, reytinqin ikinci pilləsində Barselona, üçüncü pilləsində isə İngiltərənin Manchester United komandası yer almışdır.
