Real Madrid futbol klubunun portuqaliyalı hücumçusu Christiano Ronaldo Forbes jurnalının versiyasına əsasən dünyanın ən yüksək əmək haqqı alan futbolçusu seçildi.
Ulduz futbolçu 2013-cü il ərzində 73 milyon dollar qazanıb. Ronaldonun əldə etdiyi gəlirlərə əmək haqqı və mükafatlar (49 milyon dollar), həmçinin sponsor müqavilələrindən olan ödənişlər daxildir.
Forbes reytinqində ikinci pilləni Barselona klubunun hücumçusu Lionel Messi tutmuşdur. Onun əldə etdiyi məbləğ 65 milyon dollardır. Reytinqin üçüncü pilləsini isə isveç hücumçu Zlatan İbrahimoviç tamamlamışdır. Onun qazandığı məbləğ isə 34 milyon dollardır.
