Dünyanın ən zəngin 500 adamının ümumi sərvəti ABŞ prezidenti Donald Trampın elan etdiyi rüsumların qlobal bazarları çökdürməsindən sonra 208 milyard dollar azalıb. Bu barədə “Bloomberg” agentliyi məlumat yayıb.
“Bloomberg Billionaires Index”ə görə, indeksin 13 illik tarixində dördüncü ən böyük bir günlük azalmadır. Siyahıdakı milyarderlərin yarıdan çoxunun sərvətlərinin orta hesabla 3,3% azaldığı qeyd edilir.
Hesablamalara görə, ən çox amerikalı milyarderlər, xüsusən də “Meta” korporasiyasının rəhbəri Mark Zukerberq və “Amazon”un qurucusu Ceff Bezos zərər çəkib. Agentlik bildirir ki, Meksikanın ən varlı adamı olan Karlos Slim tariflərin mənfi təsirindən xilas olan bir neçə milyarderdən biri olub.
“Tesla”nın CEO-su İlon Mask şirkətin səhmləri 5,5% ucuzlaşdıqdan sonra 11 milyard dollar itirib.
