12 C
Baku
Thursday, March 28, 2024

DYP regionlardan şəhər istiqamətinə gələn sürücülərə müraciət etdi

“Paytaxt sakinlərindən “Formula-1” üzrə Azərbaycan Qran-prisinin keçirildiyi yarış ərzində fərdi minik avtomobillərindən mümkün qədər az istifadə etmələri, xüsusilə trekin keçdiyi küçə və prospektlərdə nəqliyyatın hərəkətinin məhdudlaşdırılmasını nəzərə alaraq, şəhərin mərkəzi hissəsinə yalnız ictimai nəqliyyat vasitələri ilə hərəkət etmələri, istismar müddəti çox olan və nasaz nəqliyyat vasitələri ilə ümumiyyətlə yola çıxmamaları xahiş olunur”.

Bunu Bakı Şəhər Dövlət Yol Polisi İdarəsinin baş inspektoru polis mayoru Araz Əsgərli deyib.

Polis mayorunun sözlərinə görə, Bakıda keçiriləcək yarışla əlaqədar paytaxtda nəqliyyat sıxlığının qarşısının alınması, habelə ölkəmizə gələn çoxsaylı qonaqların, rəsmi şəxslərin, idmançı və texniki heyətin, eləcə də yerli azarkeşlərin və əhalinin yollarda rahat və təhlükəsiz hərəkətini təmin etmək məqsədilə iyunun 13-dək respublikanın digər şəhər və rayonlarından paytaxta gələn vətəndaşlarımızdan ictimai nəqliyyat vasitələrindən istifadəyə üstünlük vermələrini tövsiyə edilir:

“Düşünürük ki, tədbirin təhlükəsiz bir şəraitdə keçirilməsini təmin etmək üçün vətəndaşlarımız müvəqqəti olaraq tətbiq edilən məhdudiyyət tədbirlərinə anlayışla yanaşacaqlar. Xüsusilə regionlardan paytaxta doğru hərəkət edən insanların şəxsi nəqliyyat vasitələrindən deyil, ictimai nəqliyyat vasitələrindən istifadə etmələri xahiş olunur”.

MənbəOxu.az
Son xəbərlər
Digər xəbərlər