Avropa Yenidənqurma və İnkişaf Bankının ekspertləri hesab edirlər ki, Azərbaycan iqtisadiyyatının bərpası xammal məhsulları, öncə neftin qiymətinin dəyişməməsi halında davam edəcək.
“Proqnozlarımıza əsasən, 2018-ci ildə Azərbaycanda real ÜDM-in 1,5% və 2019-cu ildə 3,5% təşkil edəcək. Yaxın artım perspektivləri neftin qiymətinin nisbətən stabil tendensiyası və qaz hasilatı və ixracı imkanlarının daim genişlənməsi ilə dəstəklənir”, – AYİB-nin saytında dərc olunan “Transition Report 2018-19”-da qeyd edilir.
Bank vurğulayır ki, iqtisadiyyatın tədricən şaxələnməsi ortamüddətli iqtisadi artım üçün yaxşı perpektivlərə malikdir.
“Lakin qeyri-neft iqtisadiyyatının rolunun möhkəmlənməsi məqsədilə çox şey etmək lazımdır”, – hesabatda qeyd olunur.
Azərbaycan hökuməti 2018-ci ildə ÜDM-in artımını 2%, 2019-cu ildə – 3,6% səviyyəsində proqnozlaşdırır.
2017-ci ildə Azərbaycanda ÜDM-in artımı 2016-cı ildə 3,1% azaldıqdan sonra 0,1% təşkil edib.
