26 C
Baku
Thursday, May 30, 2024

Eks-prezident azadlığa çıxacaq – Əfv edildi

Koreya Respublikasının (Cənubi Koreya) həbsdə olan keçmiş Prezidenti Li Myon Bak əfv edilib.

Ölkənin hazırkı dövlət başçısı Yun Sok Yol bununla bağlı sərəncam imzalayıb.

Qeyd edək ki, Li Myon Bak 2008-2013-cü illərdə Cənubi Koreyanın Prezidenti olub.

Seul məhkəməsi onu 2018-ci il oktyabrın 5-də korrupsiyada ittiham edərək 15 il azadlıqdan məhrum edib. Sabiq dövlət başçısı eyni zamanda, 11,5 milyon dollar cərimələnib.

Ali Məhkəmə 2020-ci il oktyabrın 29-da Li Myonun cinayət işinə baxıb. O, rüşvətxorluq və mənimsəmədə günahkar bilinib və cəzası 15 ildən 17 ilədək artırılıb. Eyni zamanda, keçmiş Prezident 11,4 milyon dollar məbləğində cərimələnib. Bundan əlavə, onun 5 milyon dollarlıq əmlakının müsadirə edilməsi hökmü qüvvədə saxlanılıb.

Li Myon Bak 2 ildir həbsxanada cəza çəkir.

Son xəbərlər
 ⁠
Digər xəbərlər