Ekspert: Adi vətəndaşın bütün pulunu dollara çevirməsi – onlar üçün sərfəli deyil

Vətəndaşlar Valyutadəyişmə məntəqəsinin önündə

Son günlər neftin qiymətinin aşağı düşməsi vətəndaşların dollara marağını artırıb. Bəziləri hətta əlində olan-qalan milli pulunu son qəpiyinəcən dollara çevirmək istəyir. Ekspertlər isə bildirirlər ki, əhali nə qədər dollar alacaqsa, milli pul da bir o qədər zəifləyəcək və bu da ölkədə məhsulların qiymətinin qalxmasına səbəb olacaq.

Banker.az xəbər verir ki, iqtisadçı-ekspert Əkrəm Həsənov vətəndaşların bu məsələdə diqətli olmağa çağırıb:

“Dollarla əmanət yığımı yalnız uzunmüddətli perspektivdə effekt verir. Adi vətəndaşların əllərində olan bütün yerli valyutanı dolara çevirməsi onları yaranmış təhlükədən xilas etməyəcək, əksinə, onları zərərə salacaq. Misal üçün, vətəndaş gedir əlində olan milli pulu dollara çevirir və heç bir devalvasiya da baş vermir. Bu zaman vətəndaş dolları aldığı qiymətdən daha ucuz satmağa məcbur qalacaq.

İkinci bir məsələ, vətəndaş əlində olan yerli valyutanı aparıb dərhal indiki kursla dollara çevirir. Amma vətəndaş gündəlik istehlak mallarını, ərzaq və qeyri-ərzaq məhsullarını dollarla almır. Bunun üçün də bir müddət sonra yenidən aldığı dolları milli pula çevirməyə məcbur olacaq. Yenə baha qiymətə aldığı dolları daha ucuza satmalı olacaq. Yenə də itirən ajiotaja uyub son qəpiyini dollara çevirən vətəndaş, qazanan isə banklar olacaq. Bu baxımdan vətəndaşlar əllərində olan manatı dollara çevirməməli, həm dövləti, həm də özlərini düşünməlidirlər”.


Kredit müraciəti

Sizin müraciətiniz banka göndərildi.

24 saat işləyən filiallar24 saat işləyən exchangelərŞənbə günü işləyən bank filialları