30 C
Baku
Friday, July 19, 2024

Elektromobillərin qlobal satışları 2024-cü ildə rekord həddə çatıb

Beynəlxalq Enerji Agentliyi (BEA) bu il bəzi bazarlarda yavaş artım sürətinə baxmayaraq, görünməmiş qlobal zirvəyə yüksəlməsi gözlənilən elektromobil və qoşulan (plug-in) hibrid avtomobil satışlarında əhəmiyyətli yüksəliş proqnozlaşdırır.

2024-cü ildə 17 milyon ədəd akkumulyatorlu və qoşulan hibrid nəqliyyat vasitələrinin öz sahiblərini tapacağı gözlənilir. Bu rəqəm əvvəlki ilin göstəricilərindən 20 faiz çoxdur.

Rəqabətin getdikcə artdığı bir mühitdə rəqabət qabiliyyətini qorumaq üçün elektrikli avtomobil bazarında tanınmış brend olan “Tesla” şirkəti bu yaxınlarda qiymətləri aşağı salıb. Bu strateji addım, şirkətin dünyanın ən böyük akkumulyatorlu elektrikli avtomobil istehsalçısı adı uğrunda mübarizədə ən yaxın rəqibi olan Çinə məxsus “BYD” şirkəti kimi ciddi rəqibləri arasında bazarda dominant mövqeyini qorumağa çalışdığı üçün atılıb.

Müxtəlif ölkələrdə tələbin dəyişkən olduğunu bildirən BEA rəhbəri Fatih Birol qlobal elektromobillərə (EM) keçidin hiss olunan artım dinamikasını vurğulayıb.

“Qlobal elektromobil inqilabı boşa çıxmır, əksinə, yeni yüksəliş mərhələsinə qədəm qoyur”, – deyə o bildirib.

Onun sözlərinə görə, akkumulyatorların istehsalına yatırılan investisiya dalğasında elektrikli nəqliyyat vasitələrinin tədarük zəncirinin avtomobil istehsalçılarının iddialı genişləndirmə planlarına uyğun olaraq inkişaf edir və nəticədə yollarda elektrikli nəqliyyat vasitələrinin sayının sürətlə artmağa davam edəcəyi gözlənilir.

Dünyada elektrikli avtomobillərin tətbiqolunma dinamikası müxtəlifdir. 2023-cü ildə Norveçdə satılan bütün avtomobillərin beşindən dördü elektrikli olduğu halda, ABŞ və Avropa İttifaqı (Aİ) ölkələrində bu göstərici nisbətən aşağı səviyyədə olub.

MənbəAZƏRTAC
Son xəbərlər
Digər xəbərlər