Azərbaycanda dövlətə məxsus olan Elektron Hökumətin İnkişafı Mərkəzi (EHİM) ötən il ərzində 57.11 min manat zərər edib.
Banker.az bu barədə dövlət mülkiyyəti hesab edilən publik hüquqi şəxsin 2020-ci il üzrə maliyyə hesabatına istinadla xəbər verir.
EHİM-in hesabatına görə, ötən il ərzində 4 milyon 677.54 min manat əsas əmliyyatdan gəlirlər əldə edib. Bu da illik müqayisədə 2.6 dəfə artım deməkdir. Digər əməliiayt gəlirlərinin həcmi isə 6.6 dəfə artımla 6 milyon 600 min manat olub.
Gəlirləri artdığı kimi xərcləri də öncəki illə müqayisədə böyük fərqlə artıb.
Məsələn, EHİM 2019-cu ildə işçi xərci 1 milyon 456.5 min manat olduğu halda, 2020-ci il üzrə bu rəqəmlərin həcmi 6 milyon 927.7 min manata yüksəlib. Hesabat ilində Mərkəzin əlavə 1 milyon 405.44 min manat əlavə amortizasiya xərci yaranıb. “Sair” xərc kimi hesabatda təsbit edilən hissədə isə xərcin 1 milyon 215.79 min manata yüksəlib.
Beləliklə şirkətin ümumi mənfəti 1.09 min manat olub. Şirkət 58.19 min manat vergi xərcindən sonra qeyd edilən zərər olub.
1 yanvar 2021-ci il tarixinə EHİM-in bölüşdürülməmiş mənfəətinin həcmi 643.85 min manata düşüb.
EHİM- Azərbaycanda elektronlaşmış xidmət sahələrini özündə birləşdirən publik hüquqi şəxs. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində fəaliyyət göstərir.
