Cari ilin ilk rübünün yekunlarına görə, Azərbaycanın cari əməliyyatlar balansında 380 mln. ABŞ dolları həcmində profisit yaranıb.
Bunu jurnalistlərə açıqlamasında Azərbaycan Mərkəzi Bankının sədri Elman Rüstəmov deyib: “Bu, iki illik kəsirdən sonra ilk profisitdir”.
E.Rüstəmovun sözlərinə görə, cari hesab ilin sonunda müsbət saldoya malik olacaq: “Neftin hazırkı qiymərlərində və cari idxal-ixrac trendlərində cari hesabın müsbət saldoya malik olacağını, onun bir qədər də artacağını proqnozlaşdırırıq”.
