Əvvəlki məqalələrin birində əmək stajının hesablanması ilə bağlı qanunvericilikdəki dəyişikliklərdən sonra bəzi məqamları izah etmişdik. Bu dəfə isə iqtisadçı-ekspert Anar Bayramov işçinin əmək stajının hesablanmasını nümunə əsasında aydınlaşdırıb.
Əmək Məcəlləsində son dəyişikliklərlə bağlı 28 iyun 2024-cü il tarixli 1195-VIQD nömrəli Qanunun keçid müddəasında əmək stajının müəyyən edilməsinə aydınlıq gətirilib. Belə ki, Qanunun 12.1-ci maddəsinə əsasən, Əmək Məcəlləsinin 7-ci maddəsinin 2-1-ci hissəsində müəyyən edilmiş dövlət orqanlarında çalışan, eləcə də əmək müqavilələrinə 2014-cü il iyulun 1-dək xitam verilmiş işçilərin əmək stajı onların əmək kitabçası əsasında müəyyən edilir.
İndi isə praktiki misal üzərində işçinin əmək stajının hesablanması qaydasını nəzərdən keçirək.
Misal: İşçinin əmək stajı aşağıdakı kimi olub:
– 1 mart 2008-ci il tarixdən 6 il müddətində eyni iş yerində çalışıb;
– 1 mart 2014-cü il tarixdən fərqli işəgötürəndə əsas iş yeri kimi çalışdığı vəzifədə əmək stajı 4 il olub;
– Əlavə iş yeri üzrə çalışdığı işəgötürəndə isə 1 mart 2014-cü il tarixdən 18 ay çalışıb;
– 1 sentyabr 2018-ci il tarixdən etibarən 4 il müddətində ali təhsil alıb;
– 1 iyul 2022-ci il tarixdən 1 il müddətli həqiqi hərbi xidmətdə olub;
– 1 iyul 2023-cü il tarixdən 8 ay əsas iş yerində çalışıb;
– 1 dekabr 2023-cü il tarixdən 4 ay müddətində əlavə iş yerində çalışıb;
– 1 sentyabr 2024-cü il tarixdə yeni iş yerinə qəbul olunub.
İndi isə işçinin əmək stajını hesablayaq:
| N | Əmәk stajı haqqında mәlumat | Nәzәrә alınıb-alınmaması haqqında mәlumat | Qeyd |
| 1 | 1 mart 2008-ci il tarixdәn 6 il müddәtindә eyni iş yerindә çalışıb | Nəzərə alınır | Xitam tarixi 1 iyul 2014-cü il tarixdәn öncә olduğu üçün ƏMAS altsistemindә qeydə alınmaması ehtimalı yüksәkdir |
| 2 | 1 mart 2014-cü il tarixdәn fәrqli işәgötürәndә әsas iş yeri kimi çalışdığı vәzifәdә әmәk stajı 4 il olub | Nəzərə alınır | |
| 3 | Əlavә iş yeri üzrә çalışdığı işәgötürәndә 1 mart 2014-cü il tarixdәn 18 ay çalışıb | Nəzərə alınmır | Eyni dövrdә işçinin әsas vә әlavә iş yeri üzrә әmәk stajı olduğu üçün yalnız biri nәzәrә alınmalıdır |
| 4 | 1 sentyabr 2018-ci il tarixdәn etibarәn 4 il müddәtindә ali tәhsil alıb | Nəzərə alınmır | Ali tәhsil әmәk stajında nәzәrә alınmır |
| 5 | 1 iyul 2022-ci il tarixdәn 1 il müddәtli hәqiqi hәrbi xidmәtdә olub | Nəzərə alınmır | Müddәtli hәrbi xidmәt dövrü әmәk stajında nәzәrә alınmır |
| 6 | 1 iyul 2023-cü il tarixdәn 8 ay әsas iş yerindә çalışıb | Nəzərə alınır | |
| 7 | 1 dekabr 2023-cü il tarixdәn 4 ay müddәtindә әlavә iş yerindә çalışıb |
Qismən nəzərə alınır |
Əlavә iş yerinin son bir ayında (2024-cü ilin mart ayında) әsas iş yerindә çalışmadığı üçün hәmin müddәtə qәdәr nәzәrә alınır |
| CƏMİ (nәzәrә alınacaq әmәk stajı üzrә) | 10 il 9 ay (6 il+ 4 il+8 ay+ 1 ay) |
