Ən zəngin rusiyalıların sərvəti 2025-ci ilin əvvəlindən 14.2074 milyard dollar artıb, bunu “Bloomberg Billionaires Index” məlumatları sübut edir.
“Bloomberg Billionaires Index”ə görə, ilin əvvəlindən Rusiyanın ən böyük dəmir filizi istehsalçısı “Metalloinvest”in səhmdarı Alişer Usmanov 2.75 milyard dollar qazanıb – milyarderin sərvəti 17.5 milyard dollara yüksəlib. “Severstal”ın yaradıcısı Aleksey Mordaşovun sərvəti 2.52 milyard dollar artaraq 26.7 milyard dollara çatıb. Eyni zamanda, “Evroxim” şirkətinin həmtəsisçisi Andrey Melniçenko 1.71 milyard dollar qazanaraq sərvətini 22 milyard dollara yüksəldib.
“Bloomberg Billionaires Index” 2012-ci ilin martından planetin ən zəngin 500 adamının sərvətləri haqqında məlumatları dərc edir.
