HR – (ing. human resources – “insan resursları”) kadrların axtarışı, işə qəbulu və adaptasiyası ilə məşğul olan mütəxəssislərdir. Onlar həm təşkilatın strukturu daxilində, həm də podratçı kimi işləyə bilərlər.

HR-mütəxəssislərinin fəaliyyət sahəsinə “insan resursları” ilə əlaqəsi olan hər şey daxildir. Köhnə qaydada desək, bu, kadr şöbəsinin işçiləridir.

HR aşağıdakı vəzifələri yerinə yetirir:

– işçilərin seçimi;

– işə qəbul sənədlərinin hazırlanması;

– bonus və cərimələr sisteminin yaradılması;

– heyətlə tədbirlərin təşkili;

– kadr prosesləri və sənəd dövriyyəsi;

– işçilərin inkişafı və motivasiyası;

– kollektivdə sağlam atmosferin formalaşdırılması və s.

İstifadə səhvləri

HR-mütəxəssisləri ilə rekruterləri səhv salmayın. Bu eyni şey deyil. Rekruter – yalnız işçilərin işə götürülməsindən məsul olan şəxsdir. Onun vəzifələrinə yeni işçilərin cəlb edilməsi daxildir. O, yeni işçini iş mühitinə uyğunlaşmasına kömək edir. HR-mütəxəssislərinin funksionallığı daha genişdir.

Tənqid

Sahibkarların bir hissəsi HR-mütəxəssislərinə ehtiyac olmadığını düşünürlər. Xüsusilə İT sənayesində. Onların fikrincə, insan resursları mütəxəssisi CV-də bəzi nüansları görməyə bilər (məsələn, texnologiyalar haqqında anlayışı və işə götürmə təcrübəsi yoxdursa). Tutaq ki, üç il təcrübəsi olan bir namizəd axtarılır. Lakin CV atanlar arasında iş təcrübəsi 1.5 il olanlar da olur. Belə olan halda HR, çox güman ki, həmin namizədi müsahibəyə çağırmayacaq.