NDA (gizlilik razılaşması) nədir?

Gizlilik razılaşması – (Non-disclosure agreement, NDA) – gizli məlumatların sızmasının qarşısını alan müqavilədir.

Ümumilikdə, NDA-nın üç növü var (iştirakçıların sayına görə):

1. Birtərəfli – iki tərəf arasında və tərəflərdən birinin təqdim etdiyi məlumatları qorumaq istəməsi səbəbindən bağlanır. Bu tip NDA-nın ən çox yayılmış nümunələri əmək münasibətlərində rast gəlinir. Şirkət işçidən kommersiya məlumatlarının açıqlanmamasına dair sənədləri imzalamağı tələb edir.

2. İkitərəfli – bu halda iki tərəf bir-birinə məlumat ötürür və onun üçüncü tərəfə sızmasının qarşısını almağa çalışır. Bu tip NDA ın çox birləşmək və ya birgə layihələr üzərində işləmək istəyən şirkətlər arasında bağlanır.

3. Çoxtərəfli – bu tip müqavilələrin imzalanmasında üç və ya daha çox tərəf iştirak edir. Bu, çoxsaylı ikitərəfli sazişlərə olan ehtiyacı aradan qaldırır.

Nüanslar

NDA razılaşmasını bağlamaq istəyən işəgötürən aşağıdakıları etməlidir:

– kommersiya sirrini təşkil edən məlumatların siyahısını müəyyənləşdirmək, onu daxili sənədlə təsdiq etmək və işçilərə tanıtmaq;

– siyahıya girişi məhdudlaşdırmaq;

– məxfi məlumatlara çıxışı olan şəxslərin qeydiyyatını aparmaq;

– işçilər və podratçılar ilə bu cür məlumatların istifadəsi ilə bağlı münasibətləri tənzimləmək.