22 C
Baku
Wednesday, May 29, 2024

Ermənistanda bank işçisi 1,2 milyon dollara yaxın vəsait oğurlayıb

“Bank of Armenia”nın əməkdaşı təxminən 458 milyon dram (təqribən 1,2 milyon dollar) oğurlamaqda ittiham olunur.

Bu barədə Ermənistan İstintaq Komitəsinin mətbuat xidməti məlumat yayıb.

İşin materiallarına görə, Ermənistan banklarından birinin Daxili Audit Departamentinin rəhbəri beş vətəndaşla müqavilə bağlayaraq qanunsuz hərəkətlər edib. Xüsusilə, şirkətlərin banka bir sıra xidmətlər göstərdiyi sənədləri saxtalaşdırıb. Cinayət sxemi 2015-ci ildən 2018-ci ilə qədər fəaliyyət göstərib.

Bankın əməkdaşı K.X. barəsində cinayət işi başlanıb. O, dələduzluqda, çirkli pulların yuyulmasında, vəzifə səlahiyyətlərindən sui-istifadədə və ya özəl sektorda onlardan irəli gələn təsirdə, sənədləri, ştampları, möhürləri, blankları saxtalaşdırmaqda və ya saxta sənədlər, ştamplar, möhürlər, blanklar hazırlamaqda və istifadə etməkdə ittiham olunur.

Şübhəli 6,1 milyon dram (təxminən 16 min dollar) məbləğində girov ödəyib, əmlakına qadağa qoyulub, iş məhkəməyə göndərilib.

Son xəbərlər
 ⁠
Digər xəbərlər