32 C
Baku
Wednesday, July 24, 2024

Ermənistanın dövlət büdcəsindən 1.5 milyon dollar mənimsəyənlər həbs edilib

Ermənistan məhkəməsi saxta sxemlərlə dövlət büdcəsindən 558 milyon 200 min dram (indiki məzənnə ilə demək olar, 1,5 milyon dollar-red) mənimsəyən iki vətəndaşını həbs edib.

Bu barədə ölkənin Baş Prokurorluğu məlumat yayıb.

Prokurorluğun mətbuat xidmətini məlumatına görə, vətəndaşlar: Q.N. və X.K. 2022-ci ilin iyun-iyul aylarında hüquqi əhəmiyyət kəsb edən rəsmi sənədləri saxtalaşdıraraq, saxta möhürlər vuraraq həmin məbləği dələduzluq yolu ilə mənimsəməklə pulları əvvəlcədən yaradılmış şirkətlərin bank hesablarına keçirib, sonra nağdlaşdırıblar.

Ermənistan Cinayət Məcəlləsinin müvafiq maddələri ilə cinayət işi başlanıb.

Hadisəni törədən şəxslər saxlanılıb və məhkəmənin qərarı ilə həbs ediliblər. Cinayət işi ittiham aktı ilə birlikdə məhkəməyə təqdim edilib.

Son xəbərlər
Digər xəbərlər