“ExxonMobil” 22.4 milyard zərərlə pandemiyanın ən çox təsir etdiyi neft-qaz şirkəti oldu

Baş qərargahı Texas ştatının İrving şəhərində yerləşən və ABŞ-ın ən tanınmış “Exxon Mobil Corporation” (ExxonMobil) 2020-ci ildə pandemiyanın ən çox təsir etdiyi neft-qaz şirkəti olub.

“ExxonMobil” 2020-ci ili 22,4 milyard dollar zərərlə başa vurub.

Bu, şirkətin 1998-ci ildən bu yana ilk maliyyə itkisi kimi dəyərləndirilib. “ExxonMobil” 2019-cu ildə əldə etdiyi 14,3 milyard dollar mənfəətə qarşı, 2020-ci ilin bütün rübləri üzrə zərərlə işləyib.

Bildirilib ki, il boyu şirkət ən böyük maliyyə itkisi ilə 2020-ci ilin dördüncü rübündə qarşılaşıb. Təkcə ötən ilin son üç ayı ərzində şirkət 20 milyard dollar zivarında maliyyə itkisi ilə üzləşib.

Şirkətin icraçı direktoru Darren Vuds 2020-ci ili “ExxonMobil” üçün ən çətin bazar şərtləri təqdim edən il kimi dəyərləndirib.

Qeyd edək ki, 2020-ci ildə pandemiyanın ən çox təsir etdiyi neft-qaz sektorunda fəaliyyət göstərən şirkətlər arasında “ExxonMobil” ilə yanaşı BP və “Royal Dutch Shell” şirkətlərinin də adı var.


Kredit müraciəti

Sizin müraciətiniz banka göndərildi.