İqtisadi İslahatların Təhlili və Kommunikasiya Mərkəzi “İxrac icmalı”nın dekabr sayında qeyri-neft sektoru üzrə 2022-ci ilin yanvar-noyabr aylarında həyata keçirilən ixracla bağlı qeyri-dövlət ixracatçı subyektlərin reytinqi tərtib edilib.
Banker.az xəbər verir ki, qeyri-neft məhsullarının ilk 10 özəl ixracatçısı siyahısında fiziki şəxs Şirinov Elvin Valeh oğlu da yer alıb.
Fiziki şəxs Şirinov Elvin Valeh oğlu 41.5 milyon dollarlıq ixracı ilə 2022-ci ilin yanvar-noyabr aylarında qeyri-neft sektoru üzrə özəl ixracatçı subyektlərin reytinqində 5-ci yeri tutub. Ötən il onun ixracı sıfır səviyyədə idi.
Qeyd edək ki, Elvin Şirinovun pomidor ixracı ilə məşğul olduğu bildirilir.
