Azərbaycanda şirkət (hüquqi şəxs) yaratmadan sahibkarlıqla məşğul olan fiziki şəxslərə verilən kreditlərin həcmi 1 oktyabr tarixinə yeni tarixi rekord yeniləyib.
Banker.az Azərbaycan Mərkəzi Bankına istinadən xəbər verir ki, bankların fərdi sahibkarlara verdiyi kreditlərin həcmi 3 milyard 472 milyon manatdır.
Bu da ilin əvvəlindən 543 milyon və ya 18.5 faiz artımdır. Cari ilin əvvəlində bu həcm 2 milyard 929 milyon manat idi.
Təkcə son bir ayda portfel 2.8 faiz artıb.
Bu kreditlərin də 98 faizi milli valyutada verilib – 3 milyard 408.6 milyon manat.
