Facebook-dan maliyyə sektorunu “silkələyəcək” yenilik gəlir

0

Şirkət yeni kriptovalyutanı saxlamaq üçün yaratdığı “Calibra” adlı rəqəmsal pul qabını “Messenger” və “WhatsApp” proqramlarında tətbiq edəcək

“Facebook” şirkəti bu gün tərəfdaşları ilə birlikdə “Libra” adlı yeni kriptovalyutanı təqdim edib.   

“CNET”ə istinadən, yeni kriptovalyuta 2020-ci ilin birinci hissəsində dövriyyəyə buraxılacaq.


Kredit müraciəti

Sizin müraciətiniz banka göndərildi.

“Libra”nın sabit maliyyə aktivləri ilə dəstəklənəcəyi və ona nəzarət edən idarəetmə orqanının olacağı bildirilir.

Məlumata görə, “Facebook” yeni kriptovalyutanı saxlamaq üçün yaratdığı “Calibra” adlı rəqəmsal pul qabını “Messenger” və “WhatsApp” proqramlarında tətbiq edəcək.

“Facebook”un yeni kriptovalyuta üzərində birbaşa idarəçiliyinin olmayacağı bildirilir. Əvəzində şirkət İsveçrədə yerləşən “Libra Association” (“Libra Assosasiyası”) adlı qeyri-kommersiya təşkilatının üzvü olacaq.                 

Yeni kriptovalyutaya nəzarət edən bu assosiasiyanın 28 üzvü var. Onların sırasında PayPal, Visa, Uber, Coinbase, Andreessen Horowitz və Mercy Corps şirkətlərinin adı çəkilir.


Sputnik