Facebook sosial şəbəkəsi bir müddət əvvəl şəbəkədə “Dislike” funksiyasını yaradacağını elan etmişdi. İndi isə şirkət “Dislike” funksiyasını yaratmaqdan imtina etdiyini və bunun əvəzində “Like”-ın funksiyalarını inkişaf etdirəcəyini bildirdi. Belə ki, “Like” funksiyasına sevgi, təbəssüm, gülüş, təəccüb və qəzəb ifadə edən “smaylik”-lər əlavə ediləcək.
“Like” funksiyasının imkanlarının genişləndirilməsi ilə istifadəçilər paylaşılan postlara daha emosional reaksiya verə biləcəklər. Yenilik bu gün, yəni 9 oktyabr tarixindən İspaniya və İrlandiyada sınaqdan keçiriləcək, daha sonradan isə bütün istifadəçilərin istifadəsinə təqdim ediləcək.
Həmçinin, Mark Tsugerberq bildirmişdir ki, Facebook sosial şəbəkəsində “Dislike” funksiyası onu Reddit-ə bənzədəcəkdi və istifadəçilərin əhvalını korlamağa xidmət edəcəkdi.
